VALIDACION DI COSTA
Fieldwork a cuminsa pa validacion di nos esfuerzonan di mapping di lama costa y isla di rif. E protocolnan ta evolucionando mientras nos ta gana mas experiencia, y pronto nos lo por compara nos mapanan basa riba satelite pa mira con exacto nan ta.
E lama costa ta cambia naturalmente, pero tambe for di influencia humano manera deforestacion, over-development y cambio di clima. Globalmente, hopi beach ta literalmente perdiendo tera pa tal efectonan. Erosion di costanan debi na tempestad, golpi di lama y subida di nivel di lama ta causa dislocacion di comunidadnan y habitat terrestrial y marino abou.
Pa traha riba cambionan aki den tempo y espacio, nos ta haci uso di imagennan di satélite y metodonan di analisis automatisa usando Sistemanan Informativo Geográfico (GIS). E metodonan aki ta basa riba linea di costa cu ta wordo interpreta como e frontera separando pixelnan di awa y di tera. Imagennan di satelite ta bira cada vez mas acesibel pa e publico cu plataformanan manera Google Earth Engine y Microsoft Planetary Computer.
E resolucion espacial di imagennan satelital ta uno di nos desafionan principal, pues nos esfuersonan di validacion ta critico pa sa con exacto nos mapanan ta na scala di e islanan di rif y beachnan na Surfside. E proceso aki ta alinea nos analisis usando Google Earth Engine cu un caminata fisico riba e beach na e mesun fecha y ora cu e satelite ta pasa riba dje, midiendo e costa cu un aparato GPS portatil. E tecnica aki ta wordo yama ground truthing, basicalmente checando con “verdadero” nos mapanan ta comparando cu observacionnan riba tera.
Nos ta hasi esaki cu dos aparato configura pa GPS tracking:
- Un receptor GPS di calidad di encuesta (presta for di Universidad di Aruba, danki!)
- Un receptor GPS di nivel di consumidor, esta, un telefon Android
Asina nos por tambe compara e precision di e GPS riba un telefon — cual ta un metodo di validacion cu ta cost-efectivo — relativo na un aparato dedica di navegacion GPS. Mientras observacion di tera ta un tecnica laborioso pa midi cambio costal den periodo di tempo, ta traha pa validacion di imagen satelital na escala chikito, manera nos sitio piloto Surfside Beach.
A resulta di un aventura interesante, nos a traha un mapa di e costa, subiendo riba palonan di fofoti, pasa nos tracker riba turistanan cu ta bronceando y pasando diplomaticamente bao di palonan di piscamento. Tur esaki pa motibo di ciencia, pasobra nos mester traha un mapa entre santo seco y humedo, y no tin otro opcion. Te aworaki nos a recolecta 8 pista na diferente ora y mareanan. Cada pista ta wordo alinea di mas cerca cu ta posibel entre e ora di e satalite, y e mareanan di neap, ora e marea ta cambia menos durante e periodonan di luna mitad. Despues nos lo check e imagennan di satalite pa haya opcionnan sin nubia pa completa e validacion.
FORSA DI VOLUNTARIO!
Na 11 di Maart nos a tene un dia di voluntario unda nos tabatin slotnan di ora pa 3 hende pa bai kayak pa e edge di reef mas aleu y bek. Nos a probecha diferente metodo prome, y nos a haya cu traha cu un sistema di grid, manera bo por mira riba e prome imagen, ta un tiki dificil pa figura e frontera di areanan mas leu for di e landmarknan. Esto a nifica cu mayor parti di e areanan cerca costa a wordo mapea durante e 5 sesionnan di kayak cu e voluntarionan.
E tempo aki nos a bin cu e strategia di ‘directo pafor y directo patras’ cu a duna resultado hopi bon. Cu e metodo aki nos por a mapea un area mas grandi den un solo dia. Esaki tambe a nifica cu nos por a haya un instantaneo di e bahia den un solo momento. Durante e dia aki nos a logra mapea tur loke bo por mira aki:
Esaki a yuda bashi e faltanan den nos cobertura total.
Checa loke e voluntarionan tin di bisa den e video aki:
Aworaki e imagennan y tracks ta den proceso di wordo sorti, carga, geotagged y clasifica pa nos AI recien entrena, cual despues lo wordo usa pa forma nos prome mapa di e area cu e tecnica. Si, esey ta corecto, Version 1 di nos AI ta coriendo, y actualmente ta wordo getest!
LOCAL2030 NETWORK
Community of Practice on climate data, in Hawai’i!
Durante e prome siman di april, nos a haya e placer di representa Aruba den e Local 2030 Islands Network Community of Practice riba datonan di clima na Hawai’i!
Nos a topa cu hendenan di islanan rond di Caribe, Pacifico, Africa y Oceano Indiano, y nos a haci amigonan cu hopi di nan. Nos a papia cu Hawaianonan y nos a siña tocante e diferencianan y similitudnan entre nos islanan, separa pa 16 ora den un avion
Como Hawai’i ta hopi leuw for di Merca Continental, hopi dataset nacional no ta inclui e islanan. Alaves nan a desaroya un capacidad institucional cu fondo y colaboracion pa desaroya algun mapanan hopi detaya di ecosistemanan costero, incluyendo mapeo di nivel di specie di reaccion di coral na eventonan di calor and procesamento di imageria submarino automatico pa analisis di baranca. Tambe nos a wordo presenta cu Hohonu, un sistema global di monitor di nivel di lama usando dispositivonan basa riba arduino cu ta conecta na un dashboard, Backyard Buoys, un programa pa conecta comunidadnan costero na sistemanan di informacion di oceano global cu boyanan di monitor, y un plataforma di datonan habri pa estado di Hawai’i.
Tambe nos a comparti y siña for di otro islanarionan, y obtene conseho tocante procesamento di imagen satelital for di Islanan Mariana Norte, discutiideanan rond di reciclahe di plastico chikito na Rapa Nui, y tende experiencianan y esfuerzonan pa colecciona data di clima y esfuerzonan pa turismo sostenibel na Palau, Galapagos, Islanan di Kòki, Guam, Seychelles, Cabo Verde, Guiné-Bisáu, Puerto Rico, Kòrsou y otronan. Den total mas ku 60 isla tabata representa na e konferencia, y tabata un honor pa ta presente na nomber di Aruba hunto ku Tyson Lopez di FPNA.
Claro, sin intencion di pasa henter e biahe den un sala di conferencia sin bentana, nos a pasa e ultimo dianan explorando e isla di O’ahu, subiendo cramer, caminando riba sero, caminando riba beach y observando e similitudnan y diferencianan den flora y fauna, incluyendo precioso mangronan cora cu ta aparentemente invasivo y no ta gusta na Hawai’i.
Cu tur e comparticion aki, nos mester bisa cu nos ainda no por justifica di emiti asina tanto carbon pa bula un cuarto di e caminda rond mundo. Y nos no ta sigur con pa sigui colabora y construi relacionnan profundo sin causa e tipo di daño na planeta. Pero cu e reflexion riba e lucha di Mālama, nos mester bisa un Mahalo y Aloha grandi pa Hawai’i.
DIA DI HIMNO I BANDERA
18 di Maart ta Dia Nacional di Himno y Bandera di Aruba cu ta wordo yena cu hopi actividad cultural rond di e isla, y cual mehor manera pa mustra amor pa nos pais y nos hendenan cu di comparti nos trabou y aprecio pa nos ecosistema costal! Nos tabata na Cas di Cultura cu tur nos infografia imprimi den forma di poster y nos setup di mapping di fondo di lama tambe tabata presente. Hopi a subscribi na nos buletin, asina cu nos ta bisa bonbini na boso y danki pa boso interes den e proyecto aki!