Manera probablemente bo a scucha caba, Metabolic Foundation a ricibi fondo di RESEMBID, un fondo di Union Europeo, pa test y valida metodonan pa monitor medio ambiente.
Ta trata aki di un proyecto di un aña cu lo enfoca riba e area di Surfside como pilot site. E proyecto lo traha cu varios profesional Arubiano pa desaroya, test y valida metodo pa midi:
- Calidad di aire
- Calidad di awa di lama
- Cambio di nos costa
- Cobertura di e bom di lama
Esaki lo combina e uso di sensornan electronico, imagen satellite, y analysis di potret di bou lama.
![](https://science.brenchies.com/wp-content/uploads/2022/11/DSC_0912-1024x683.jpg)
KEN NOS TA
E proyecto ta wordo desaryo dor di un team amplio di profesional y studiante Arubiano of basa na Aruba cu experiencia den e area di CTIMA (ciencia, technologia, ingenieria, matematica y arte).
Den e prome parti di e proyecto un grupo di studiante di ingenieria ta desaroyando e diseño di sensor electronico pa midi calidad di aire y calidad di awa di lama:
- Manuel Rojas di Technische Universiteit Eindhoven y Sean Brokke di Fontys conjunto cu Alexandra Ulacio di Universidad di Aruba y Ian Canninga di EPI
- Tony Sevold ta e research coordinator y ademas lo ta trahando riba e imagen di satellite conjunto cu Raydeline Wever di Universidad di Aruba
- Jeremy Granadillo lo ta trahando riba e digital interface pa ricibi y analysa data, e ta trahando cu Amaryllis Lee, un studiante di Hogeschool Utrecht
E sistema lo wordo compara cu “standard scientific methods” dor di:
- Tatiana Becker conjunto cu e grupo di hoben di ScubbleBubbles bou di guia di Nichole Danser
Por ultimo e proyecto ta wordo apoya dor di:
- Christie Mettes como project coordinator y Suyin Ridderstaat como media coordinator
![](https://science.brenchies.com/wp-content/uploads/2022/11/DSC_0021-1024x683.jpg)
UPDATE!
Nos a ricibi collaboration di Surfside Pier y Neptali Henriquez Park pa pone sensornan den e prome fase di testing.
Diahuebs 18 Augustus nos a bay instala nos prome sensor di calidad di aire na Neptali Henriquez Park. Sean Brokke cu a traha hunto cu Brenchie’s Lab for di su dianan como studiante di EPI y awo ta studiando na Eindhoven a bin specialmente pa yuda desaroya e sensor.
Despues di traha riba dje te hopi anochinan laat ela logra pa pone traha pa asina nos pone pafo riba su lugar den Surfside area.
Similarmente Manuel Rojas cu a traha na Brenchie’s Lab despues di a caba colegio y awor ta terminando su estudio como ingeniero na Eindhoven tambe tin e sensor pa midi calidad di awa cla y lo installa esaki pa field test e siman entrante.
Check nos website science.brenchies.com pa wak mas detaye over di prototyponan cu nos a traha anteriormente aki nos lo update y comparti e trabao manera cu e progresa.
![](https://science.brenchies.com/wp-content/uploads/2022/11/20220818_104112-1024x768.jpg)
E siman aki nos lo cuminsa colectiona imagen di bom di lama usanda kayak y paddle boards si tin interes pa participa den e proceso aki por registra como voluntario via email na science@brenchies.com
Amaryllis Lee ta trahando duro riba un machine learning algorithm cu lo usa e imagenan aki pa train.
Por spera updates regular di e proyecto como tambe reunion publico pa diferente grupo den nos communidad.