Guia di Mapeo – Surfside Science

Un bista general cortico di con bo por adapta nos script di mapeo di costa pa diferente lugar y playanan

Fecha: 23 di januari 2024

INTRO

Durante e proyecto di Surfside Science, financia pa EU door di e programa RESEMBID, nos a desaroya script di GIS usando e plataforma di Google Earth Engine pa mapea Surfside beach na Aruba. E codigo aki despues a ser adapta for di javascript pa python pa por corre over periodonan di tempo pasobra mas imahen ta bira disponibel.

E mapa aki ta inclui:

Vegetacion di mangrove costero
Costa
Tipo di habitad di fondo di lama
Islanan di rif

E guia aki ta describi e proceso di adapta e scriptnan aki pa diferente lugar, cu despues por corre over imahennan historico y ser agrega na nos lista di scriptnan automatico pa ser inclui den e portal di data ambiental habri accesibel na https://data.brenchies.com/

REPOSITORIONAN

Pa referencia, e repositorio di Google Earth Engine ta aki: https://code.earthengine.google.com/?accept_repo=users/sevold/sss

Y e scriptnan tanto na javascript como na python ta aki riba nos Github: https://github.com/brenchies/surfsideGEE

GOOGLE EARTH ENGINE

Google Earth Engine (GEE) ta un plataforma di GIS online cu ta permiti hopi mapeo y analisis espacial pa ser haci door di acceso directo na datasetnan publico di GIS y haci analisis usando codigo di javascript. Prome cu bo por usa e plataforma aki, bo mester yena e formulario aki pa pidi acceso usando bo cuenta di Google: https://signup.earthengine.google.com/#!/

Despues bo lo ricibi un email, cu ta spera cu ta bisa cu bo a ser aproba, y cu bo por usa pa cuminza code bo analisis di GIS. Pa cuminza code, bai na: https://code.earthengine.google.com/

Un bon lugar pa cuminza ta cu nan tutorial introductorio, cu por haya aki: https://developers.google.com/earth-engine/tutorial_api_01

MAPEANDO UN PLAYA NOBO

Aki abao ta e proceso stap pa stap pa aplica nos script di costa na un playa nobo.

GEE

Escoge un playa cu bo conoce y ta stima. Esaki no ta absolutamente necesario, pero si esaki ta bo prome biaha cu bo ta mapeando un playa nobo, esaki lo yuda si bo ta conoci e area.
Escoge un topico pa mapea for di e scriptnan disponibel. Pa e guia aki nos lo mira e costa, cu ta determina e frontera entre awa y tera.
Habri e script di Costa den Google Earth Engine (GEE). Den caso e link di repositorio no ta traha, bo por habri e link aki pa haya un snapshot di e codigo. E link aki no lo actualisa, asina cu esaki por ta un version mas bieu dependiendo di ora cu bo ta lesando esaki. Si ta posibel, usa semper e codigo cu ta link den e repositorio.
Mira den e codigo, lesa e comentario y linjanan di codigo, prestando atencion na e variabelnan cerca di e top. Si tin algo cu bo no sa kiko ta socedi, laga nos sa y nos lo yuda splica esaki.
Click riba e mapa den e parti abao di e pantalla, y busca e playa cu bo ta interesa pa mapea. Zoom in te ora cu e ta cla pa mira. Bo por cambia e modo di vista pa Satellite si esaki ta yuda.
Click riba e tool di caha cuadrado den e parti robez ariba di e mapa y dibuja un rectangulo rond di bo playa. Esaki lo crea un rectangulo cu nomber ‘geometry’ cu ta aparece ariba di bo codigo den un seccion cu ta yama ‘Imports’.
Pa un resultado rapido, laga nos scirbi un linja nobo di codigo riba linja 3, bao di e linja cu ta bisa var roi = ee.Geometry.BBox, cu ta bisa scirbi roi = geometry;
Awor click run pa mira e costa di bo playa.
Den e area di mapa tin un boto cu ta bisa bisa ‘Geometry imports’, si bo pasa bo cursor riba dje lo bo mira check boxes cu bo por desactiva pa esconde bo region di interes. Click riba nan pa mira bo costa mas cla.
Awor bo por explora bo playa na diferente punto di tempo, trata di cambia e fecha riba linjanan 6-7. Esakinan ta controla e ventana di tempo pa e analisis, por ehempel si nan ta cubri un luna, e script lo considera tur imahen cu a ser colecta durante e luna ey y combina nan den un composite di calidad. E meta ta pa inclui suficiente imahen pa nos por tin un cuadro completo di e, pero tambe pa enfoca riba periodonan di tempo unda nos ta spera di mira cambionan. Pa ehempel, si nos ta mira un solo dia cla na awa halto, y compara cu un otro dia cla na awa abou, nos lo mira e cambio debi na e awa. Si nos ta interesa den erozion y deposito costero, representando cambionan di mas largo plazo, nos mester mira un periodo di alomenos un luna, y quizas te un aña si nos kier inclui cambionan di temporada.
Lo bo mira un number aparece na e console na banda drechi cu ta bisa “hectares di costa den roi”. Esaki ta interesante solamente si nos compara esaki cu un otro periodo di tempo, pa mira e diferencia. Despues nos por calcula cuanto mas of menos area di tera tin na nos playa.
Bo por nota tambe un tab di color oranje na banda drechi ariba cu ta bisa ‘tasks’. Si bo kier, bo por click riba dje y corre un di e tasks si bo kier exporta bo data na Google Drive, pa download y analisis den QGIS of otro software di GIS. Esaki ta tuma un poco di tempo pa procesa, asina cu nos por skip esaki pa awor.
Despues nos lo muebe nos import di geometria den e codigo pa conveniencia. Click riba e import na e parti ariba di bo pantalla di codigo, e flechita chikitu banda robez di ‘var geometry’. Despues click riba e flechita banda drechi di ‘coordinates’ y e otro flechita banda drechi di ‘0: List’ pa mira e punto den e poligono cu bo a dibuja. Aki mester tin 10 number, pero tin solamente 4 diferente. Nos mester copia esaki 4 den e codigo di ee.Geometry.BBox riba linja 2. No ta importa kiko e orden ta, mientras cu bo tin tur 4 diferente balornan correspondiendo cu e longitud y latitud di bo frontera di bo caha cuadrado.
Si bo kier, bo por kita algun di e digitonan mas preciso pa haci e codigo mira un poco mas simpel, pero asegura bo cu e ta cubri bo playa bon. Den nos analisis di Surfside, nos a haya cu tres decimal ta sufisiente precision pa inclui nos area di interes.
Awor, borra linja 3 cu bo a skirbi prome, e un cu ta bisa ‘roi=geometry’ y corre e codigo bek pa asegura cu ainda ta traha mesun manera.

Python

Download e codigo coastline.py for di e repositorio di Github
Habri e den un editor di texto of un editor di codigo y lesa e pa mira con ta compará cu e version di javascript cu nos a traha cu GEE
Edita e linja cu ta pone e region di interes, y reemplasa e limitenan cu esnan cu bo tin riba linja 2 di bo script di GEE
Guarda e como ‘coastline-mybeach.py’
Manda e hunto cu un link pa bo script di GEE pa science@brenchies.com y nos lo trata di agrega esaki na nos base di datos. Danki pa bo contribucion!
Despues bo por trata di adapta e codigo pa otro playanan, of adapta nos codigo di mapeo di fondo di lama pa bo playa. Mapeo di fondo di lama ta un poco mas complicá y bo lo mester duna algun data di entrenamento. Si bo kier proba esaki, laga nos sa y nos lo pone huntu un otro tutorial!