Den nos di tres luna nos a enfoca riba mapeamento. Nos plan tabata simpel: conecta un GoPro bao di un kayak i sigui nos localisacion usando un telefoon cu aplicashon GPS logger den e kayak.
Den realidad tawatin hopi stap chikito – for di seleccion di e aplicacion, te na e setting riba diferente GoPros i tecnica di kayak – cu mester cu nos mester a buska solucion. Den tur e testnan aki nos tambe a experiencia tempo malo frecuentemente pa. un temporada cu a reduca e visibilidad bao di awa i hasi cu nos mester a cancela diferente biahanan cu nos boluntarionan.
Nos tin tur cos documenta. Si bo kier purba e protocol por haña esaki aki: Sea-floor Mapping Instructions – Google Docs
Crowd-sourcing y replicacion
Nos a ricibi hopi apoyo dor di via nan kayak na e proyecto. Nos a haya kayak presta di Kayak Shack di Shanon, y di Tobia, Melissa, Myron, Diego i Monica. E siguiente paso tabata pa haya suficiente GoPros y telefoon. Nos a usa telefoonnan cu nos ta usa pa actividadnan educativo riba Mo-B Lab y hopi hende a confia nan GoPros na nos, en particular Ian, Suyin, Dae, Tatiana y Francielle. Crowd-sourcing tambe a permiti nos pa confirma cu e proceso ta traha cu diferente vehiculo, camara y telefoon. Sinembargo, nos ainda no a test e proceso cu un iPhone, y ora Melissa y Lisa a ofrece nan mes como boluntario, nos a realisa cu nos aplicacion di tracking no ta disponibel pa iPhone.
Hacking e meta-data
Mapeamento bao di awa ta dificil pasobra GPS no ta traha bao di awa. Ademas ta dificil pa midi profundidad den oceano. Pa e meta di nos trabou ainda nos no a haya un manera pa midi e profundidad, pero nos ta spera di por usa informacion cu a ser colecta door di e mariners Olandes: CDI – Marine data access (emodnet-bathymetry.eu) Si bo sa di algun persona cu ta involucra den e recogedo di datos batimetriconan na Aruba y bo tin voluntad pa presenta nos, nos lo aprecia hopi.
E imagenan cu nos a colecta asina leu ainda mester corigi pa profundidad, esaki ta nifica cu e no ta representa un tamano exacto, mas un simpel snapshot di e area for di e superficie. E GPS di e superficie ainda ta refleha e locacion di e centro di cada imagen, pero no e area. E datonan aki ta coleciona pa e telefoon celular den e kayak usando e aplicacion GPS logger. Nos ta usa ExifTool pa agrega e datos di GPS di e registro di pista di telefoon na e metadata di e imagenan colecta for di e GoPros bou di e kayak, lo ta un proceso automatico na base di comparacion di tempo. Por mira con nos ta haci esaki aki: Video to geotagged images notes – Google Docs
Zooniverse
E imagenan geotagged actualmente ta uploaded pa nos proyecto di Zooniverse. Aruba Seafloor Mapping » Classify — Zooniverse Unda bo por yuda nos clasifica nan di e mesun manera manera bo a haci bez di Captcha ora bo a completa e reto di “Mi no ta un robot”. E imagenan clasifica ta wordu usa pa entrena nos algoritmo di clasificacion supervisa pa reconoce e diferente itemnan aki. Nos sa cu esaki ainda no ta un clasifikasion perfecto, pero nos a desidi pa enfoca prome riba e cosnan cu ta mas fasil pa diferencia, y despues nos por hasi un clasifikasion mas detaya. Awor e categoria ta inclui yerba di lama / algas, piedra, coral / spons, santo, i pisca como un bonus.
